Kumpulan Diktat (5) Geguritan

DIKTAT BASA JAWA KANGGE SISWA KELAS VI SD/MI

Geguritan


Tujuan Pasinaon

Wonten wekdal pasinaon dinten menika, siswa diajak sareng-sareng mangertosi babagan geguritan. Siswa dipun gladhi supados saget maos geguritan lan ugi saget damel geguritan kanthi ginakaken paugeran-paugeran geguritan ingkang leres.

Gambar: siswa lagi maca geguritan

Materi

Geguritan yaiku salah sijine wujud kasusastran kang basane cekak, menthes, lan éndah. Geguritan asalé saka tembung "gurit", kang ateges kidung utawa tulisan kang awujud tatahan. Déné geguritan ing kéné, ateges  kidung kang mawa paugeran gumathok, yaiku:

• Cacahing gatrané ora tartamtu, nanging paling sithik 4 gatra.
• Saben-saben sagatra ana guru wilangan lan guru lagu lan purwakanthi guru swara.

Geguritan kang klebu modhèrn ora kaiket ing aturan kayadéné tembang. Geguritan karipta amarga ana ilham utawa inspirasi (angen-angen). Geguritan mujudaké karya kang sipaté pribadi, mula geguritan panganggit siji lan sijiné béda-béda. Angen-angen kang ana sajroné pikirané pengarang banjur diolah supaya dadi geguritan kaya kang dikarepaké panganggit. Kanthi mengkono, geguritan iku basané katon éndah, bisa migunakaké purwakanthi, dwipurwa, seselan lan liya-liyané. Geguritan iku duwèni nilai- nilai utawa amanat kang utama. Dene geguritan iku biasane ditulis kanthi:

• Cekak yaiku ora wujud ukara-ukara kang ora teges
• Menthes yaiku tembung-kang digunakake duwé makna kang jero.
• Éndah ngemu purwakanthi swara, sastra utawa basa.
• Tembung-tembung kang digunakake pilihan 

Sumber:

http://corojowo.blogspot.co.id/2010/08/geguritan.html diakses pada tanggal 6 Oktober 2015 

          pukul 08.45 WIB.

https://jv.wikipedia.org/wiki/Geguritan diakses pada tanggal 6 Oktober 2015 pukul 08.50 WIB.

http://3.bp.blogspot.com/-YSQcrOyivR4/Uqdk0T7nybI/AAAAAAAAAUw/He3ogFrmfYs/s1600

          /geguritan.jpg  diakses pada tanggal 6 Oktober 2015 pukul 08.55 WIB.

Gladhen
Gaweo geguritan ngganggo tema: Kaendahan Pemandangan ing Desaku!